Ituturo tayo ng mga isip-bata
At ang daliri’y kakagatin
Dahil oo nga pala, sabi ni lola
Bawal ituro ang mga walang sala.

———————————————————————-

Si Frenchie Mae Cumpio ay 26-taong gulang na community journalist na ipinakulong sa Tacloban City noong February 7, 2020, kasama ang church worker na si Marielle Domequil, sa bisa ng mga gawa-gawang kasong illegal possession of firearms, illegal possession of explosives, at financing terrorism. Siya ay nagsilbing executive director ng alternative media outfit na Eastern Vista at anchor ng programang Lingganay han Kamatuoran (Kampana ng Katotohanan) na umere sa Aksyon Radyo Tacloban.

Napawalang-sala ang dalawa sa mga kasong illegal possession of firearms and explosives, nguntin hinatulang “guilty” sa financing terrorism. Nagpapatuloy ang laban para palayain siya at ibasura ang mga kaso laban sa Tacloban 5.