DILI TINUOD: Bugas, P20 na lang ang presyo paghuman sa kadaogan ni Marcos Jr.

0
63

Kaniadtong Mayo 14, ang lokal nga istasyon sa radio nga ‘Radyo Bandera Philippines’ nag-post sa ilang Facebook page og mga litrato gikan sa usa ka ‘Jhybeth Paano’ nga nagpakita sa Lam rice variant o mas nailhan nga ‘Sinandomeng’ nga bugas nga kasagaran gibaligya sa P42.00. matag kilo, karon giingong gibaligya na lamang sa tag P20 matag kilo sa usa ka tindahan sa kadalanan sa Quezon City base sa maong Facebook post.

Gi-post pud sa ubang mga platform sa social media, ang mga litrato. Nag-ingon sila nga pagkahuman sa kadaugan sa eleksyon ni Presidente-elect Ferdinand Marcos Jr., boluntaryo nga gipaubos sa mga retailer sa bugas ang ilang presyo pagsunod sa saad sa kampanya ni Marcos Jr. nga muubos ang presyo sa bugas ngadto sa P20 matag kilo.

PAG-ANGKON

Presyo sa bugas P20 na lang paghuman sa kadaogan ni Marcos Jr.

EBALWASYON

DILI TINUOD

ANG KAMATUORAN

Ang datus gikan sa Department of Agriculture wala misunod sa pangangkon nga ang bugas gibaligya karon sa tag P20 nalang matag kilo. Matod sa Bantay Presyo sa DA sa Prevailing Retail Prices of Agri-Fishery Commodities sa NCR Markets sugod Mayo 27, ang presyo sa bugas gasugod sa sa P37.50 hangtod P44.00. Ang mga merkado nga sakop sa maong market watch naglakip sa Commonwealth ug Mega Q-Mart sa Quezon City, ug mga merkado sa mga siyudad sa Marikina, Las Pinas, Manila, Pasay, Pasig ug Makati.

Dugang pa, ang impormasyon gikan sa Philippine Statistics Authority nagpakita nga sukad Mayo 4, ang kasagarang presyo sa bugas sa nasud kay P32.50 ngadto sa P44.90 alang sa regular-milled rice, P35.63 ngadto sa P50.78 alang sa well-milled rice ug P43 .38 ngadto sa P58.81 alang sa espesyal nga bugas.

Ang tag P20 nga bugas matag kilo konektado sa Facebook post sa partido ni Marcos Jr., ang Partido Federal ng Pilipinas (PFP), nga nag-post niadtong Abril 17 sa pahayag ni Marcos Jr. diin misaad siya nga paubsan ang presyo sa bugas.

Base sa usa ka interbyu sa OneNews PH, miingon si Prof. Emmanuel Leyco, ang Presidente ug ekonomista sa Pamantasan ng Lungsod ng Maynila, nga dili realistiko ang plano ni Marcos Jr. kay makompromiso niini ang lapad nga sektor sa mag-uuma sa nasud. Gidugang usab niya nga bisan pa ug madanihon sa usa ka halapad nga seksyon sa publiko ang pahayag ni Marcos Jr., kulang kini sa realistiko ug pro-farmer nga mga detalye sa pagpatuman.

NGANONG IMPORTANTE KINI

Nadaog ni Presidente-elect Marcos Jr. ang eleksyon tungod sa kampanya nga naka-angkla sa disimpormasyon ug mga bakak na istorya nga nag-usab sa politikanhong rekord sa mga Marcos ilabina pinaagi sa online nga mga plataporma. Ang nahisgutang Facebook post niabot na sa 5,900 ka mga reaksyon ug 2,700 ka shares. Mary Lou Destao ug Michaella Ruiz

Ang Altermidya Network kabahin sa #FactsFirstPH nga naghiusa sa nagkalain-laing sektor nga nagpasalig sa pagpasiugda sa kamatuoran sa publikong luna, ug pagpangayo og tulubagon niadtong makadaot niini pinaagi sa pagpamakak. Alang sa mga interesado nga moapil sa inisyatiba, pag-email sa info@factsfirst.ph

Read more articles here

Leave a reply

This site uses Akismet to reduce spam. Learn how your comment data is processed.