Statements

Hinggil sa panununog ng Pinoy Weekly issues sa Pandi, Bulacan

Hinggil sa panununog ng Pinoy Weekly issues sa Pandi, Bulacan
Pinoy Weekly

Itinuturing namin ang nabalitang pagsunog sa daan-daang kopya ng Pinoy Weekly na nakalagak sa subscriber naming komunidad ng mga maralitang nag-okupa ng tiwangwang na pampublikong housing project sa Pandi, Bulacan bilang lantarang atake sa karapatan sa pamamahayag.

Mariin naming kinukondena ang naturang panununog, na mistulang pagkakait sa mga mambabasa ng Pinoy Weekly ng kanilang karapatang makabasa at makaalam—mga karapatang itinatadhana sa Saligang Batas. Pagkakait din ito sa karapatan sa pag-aari ng mga maralitang residente na subscribers ng aming magasin.

Itinuturing din namin ito bilang bahagi ng tumitinding klima ng panunupil at pasismo sa bansa, kung saan sinumang nagiging kritikal sa nasa kapangyarihang rehimen ay sinusupil, tinatakot at dinadahas.

Ayon sa mga saksi, pinasok ng humigit-kumulang 200 katao na tinatawag ang sarili na grupong ‘Pro-government’ ang lokal na opisina ng grupong Kadamay kung saan nakalagak ang ilang bundles ng PW.

Ginawa umano ito sa presensiya ng mga opisyal at miyembro ng PNP Pandi at 48th IB ng Army.

Tumitindi rin ang mga atake sa midya na matapat na nagsisiwalat ng katotohanan hinggil sa pang-ekonomiya at pampulitikang mga polisiya ng rehimeng Duterte, gayundin sa mga kampanyang giyera nito kontra sa droga at insurhensiya.

Kamakailan, kabilang ang Pinoy Weekly, sa pamamagitan ng publisher nito na nonprofit organization na PinoyMedia Center, Inc., sa mga nagsampa ng kaso laban sa dalawang IT firms na itinuturong sangkot sa malawakang cyberattacks o Distributed Denial of Service (DDoS) attacks sa websites ng alternative media groups na PW, Bulatlat, Kodao at Altermidya.

Hinala ng mga grupo na bahagi ang cyberattacks ng mga atake sa kritikal na mga boses sa midya at sa publiko.

Pinoy Weekly
PinoyMedia Center

Statements

More in Statements

Media outfits push for accountability over cyber attacks

Altermidya.NetSeptember 9, 2019

On the Attacks vs Brandon Lee of Nordis, Kristin Lim of Radyo Lumad: Hands off alternative media!

Altermidya.NetAugust 7, 2019

JOINT STATEMENT: Freedom of expression in the time of Duterte

Altermidya.NetJune 30, 2019

The UP ‘Rebel Kule’ case: Flatlining free expression

Altermidya.NetJune 25, 2019

On the malicious arrest of Mindanao journalist Margarita Valle: STOP HARASSING JOURNALISTS

Altermidya.NetJune 10, 2019

The Duterte gov’t will pay for its crimes against press freedom and human rights

Altermidya.NetMay 3, 2019

STATEMENT: Alternative media outfits under attack fight back

Altermidya.NetMarch 29, 2019

Netizens’ free expression in grave threat with cyberlibel conviction

Altermidya.NetMarch 27, 2019

OVERCOME CYBER-MARTIAL LAW

Altermidya.NetMarch 12, 2019

Altermidya (People’s Alternative Media Network) is a national network of independent and progressive media outfits, institutions and individuals in the Philippines.

Copyright © 2015 | People's Alternative Media Network