Teritoryo ug soberanya sa Pilipinas, labing lig-on sa administrasyong Duterte, matud ni Lorenzana

0
59

Adunay usa ka ulat ang Philippine News Agency (PNA) nga naghisgot sa presentasyon ni Defense Secretary Delfin Lorenzana sa Duterte Legacy Summit niadtong Mayo 30, diin iyang giangkon nga “sa miaging unom ka tuig, ang administrasyong Duterte nakaseguro sa integridad ug soberanya sa teritoryo sa nasud, apil na ang halapad nga mga utlanan sa kadagatan niini, pinaagi sa pagbaton ug bag-ong mga kagamitan ug mga patrol.”

PAG-ANGKON

Teritoryo ug soberanya sa Pilipinas, labing lig-on sa administrasyong Duterte, matud ni Lorenzana

EBALWASYON

Kuwang nga konteksto

ANG KAMATUORAN

Apan gipahayag ni Lorenzana nga ang Pilipinas adunay “6,958 naval surface ug 6,432 maritime air patrols” aron ihingusog ang soberanya sa nasud, nagkuwang ang artikulo sa pagkontekstwalisa sa nagkainit nga panagbangi sa West Philippine Sea.

Bisan pa sa pagpagawas sa hukom sa arbitral tribunal ug pagmando sa korte nga pabor sa Pilipinas niadtong 2016 sa isyu sa West Philippine Sea, nanlimbasug gihapon ang nasud sa pagtuboy sa soberanya sa nasud batok sa langyaw nga pagpanghilabot. Ang hepe sa Western Command nga si Vice Admiral Ramil Enriquez miingon sa miaging tuig nga ang sitwasyon sa Western Command area nagkagrabe, ug gipahayag ang panginahanglan alang sa “game changer” nga mga kagamitan nga magpakusog sa maritime defense batok sa mga langyaw nga pag-atake sa West Philippine Sea.

Bisan pa sa kanunay nga pagpatrolya sa militar matud sa ulat ni Lorenzana ug ang balik-balik nga pagsang-at sa mga diplomatikong protesta sa Department of Foreign Affairs batok sa iligal nga pagsulod sa mga barko sa China sa teritoryo sa Pilipinas, gabalik-balik gihapon ang iligal nga pagsulod niining mga Chinese na barko. Ang Embahada sa China kay nagpabilin nga nagpamugos nga ang West Philippine Sea kay tradisyunal na pangisdaan sa mga mangingisdang Chinese.

NGANONG IMPORTANTE KINI

Ang pagpahayag nga ang Pilipinas nakabaton ug mahinungdanong mga kalamboan kalabot sa teritoryal nga depensa nga walay hustong konteksto sa kasamtangang sitwasyon sa gi-away nga mga teritoryo posibleng makatuis sa panglantaw sa publiko sa sitwasyon sa depensa sa nasod. Labaw pa kini nga makapabalaka tungod kay ang PNA, nga nagpatik sa artikulo, usa ka gipanag-iya sa gobyerno ug gipondohan sa publiko nga kompanya sa balita sa ilawom sa Presidential Communications Operations Office. – Mary Lou Destao ug Michaella Ruiz

Ang Altermidya Network kabahin sa #FactsFirstPH nga naghiusa sa nagkalain-laing sektor nga nagpasalig sa pagpasiugda sa kamatuoran sa publikong luna, ug pagpangayo og tulubagon niadtong makadaot niini pinaagi sa pagpamakak. Alang sa mga interesado nga moapil sa inisyatiba, pag-email sa info@factsfirst.ph

Read more articles here

Leave a reply

This site uses Akismet to reduce spam. Learn how your comment data is processed.