DILI TINUOD: Ang mga kamatuoran bahin sa Martial Law kinahanglang iabli sa debate ug pangutana, matod sa bag-ong press secretary

0
59

Niadtong Mayo 31, mihimo og pag-angkon si Press Secretary Atty. Trixie Cruz-Angeles: matud niya, ang mga establisado nga kamatuoran mahitungod sa Martial Law kinahanglang ablihan alang sa debate ug pagpangutana. Siya midugang nga dili kinahanglan nga “moabot sa usa ka konklusyon” bahin sa butang.

Ang tigpama-ba sa president nga si Angeles mihimo niini nga mga pamahayag atol sa Teleradyo exclusive interview sa ABS-CBN kaniya s diin ilang gihisgutan ang papel sa media sa pakigbatok sa disinformation.

PAG-ANGKON

Ang mga kamatuoran bahin sa Martial Law kinahanglang iabli sa debate ug pangutana, matod sa bag-ong press secretary

EBALWASYON

Dili Tinuod

ANG KAMATUORAN

Ang mga kamatuoran bahin sa Martial Law natukod na, ug ang aktuwal nga mga panghitabo kinahanglang ilhon isip kabahin sa kasaysayan sa nasod.

Tulo ka mga hukom sa korte niabot sa desisyon nga ang mga Marcos nakatigom og “ill-gotten wealth” ug gimandoan sa pagbayad sa gitakdang kantidad. Usa ka balaod ang gihimo usab isip pag-ila sa mga paglapas sa tawhanong katungod sa mga namatay tungod sa rehimen sa diktador.

Ang unang desisyon gi-takda pag Hulyo 15, 2003 gipalabian sa Korte Suprema en banc ang gobyerno sa Pilipinas sa pag-uli sa mga Marcos sa mga deposito sa Swiss bank nga adunay kinatibuk-ang kantidad nga $658 milyones lakip na ang interes sa petsa Enero 31, 2002.

Ang mga Marcos misang-at og motion for reconsideration apan gibalibaran sa Korte Suprema sa walay kalalisan niadtong Nobyembre 2003.

Ang ikaduhang desisyon nga gi-hatag sa 2nd division sa High Tribunal niadtong Abril 25, 2012, gipaboran usab ang gobyerno sa Pilipinas sa hisgutanan sa tanang kabtangan ug pundo nga nagkantidad ug $3 milyones, apilan pa ug dugang interes sa Arelma Foundation, usa ka Panamanian firm sa kanhing diktador Marcos.

Niadtong Ilocos Norte Representative pa si Imelda Marcos ug ang iyang anak nga si kanhi Senador Ferdinand Marcos Jr., nisang-at og apela alang sa reconsideration, apan gisuportahan sa High Court ang desisyon niini niadtong 2012 nga nagdumili sa ilang apela.

Ang ikatulong desisyon gi-issue sa unang dibisyon sa Korte Suprema niadtong Enero 18, 2017, nga nagpabor napud sa pagpauli sa pamilya Marcos sa gobyerno sa Pilipinas sa mga alahas nga gihatagan sa alyas nga ‘Malacañang Collection’. Ang kantidad sa koleksyon gibanabana nga tali sa $110,055 hangtod $153,089.

Ang tulo ka mga desisyon nagpamatuod na wala’y mapakita ang mga Marcos sa mga legal na pamaagi sa ilang pagkuha niining mga kabtangan. Namatikdan usab sa Korte Suprema nga ang maong mga propyedad ug mga kabtangan “dayag ug klarong dili katimbang” sa ilang legal nga sweldo isip mga opisyal sa publiko.

Ang Republic Act 10368 o ang Human Rights Victims Reparation and Recognition Act gipasar sa panahon sa pamunoan ni Benigno Aquino III. Giila sa maong balaod nga adunay “mga biktima sa summary execution, torture, gipatuman o dili boluntaryong pagkawala ug uban pang grabeng paglapas sa tawhanong katungod” niadtong rehimeng Marcos. Ang nasangpit nga balaod naglangkob usab sa mga probisyon alang sa mga reparasyon sa mga biktima sa pag-abuso sa tawhanong katungod panahon sa Martial Law.

Matud sa pagbanabana sa Amnesty International, 72,000 ang napriso, 34,000 ang gitortyur, 3,240 ang gipatay, ug 77 ka desaparesidos ang mga nabalita sa panahon sa rehimen sa diktador.

NGANONG IMPORTANTE KINI

Ang pamahayag ni Angeles nahiuyon sa mga lakang sa kampo ni Marcos sa pagkwestyon ug pag-usab sa dugay na ug dili matukib nga kamatuoran sa Martial Law. Ang napamatud-an nga mga kamatuoran, gipasiugda sa mga historyano, dili na angay maablihan sa debate.

Gisaway sa mga kritiko ang kaylap nga internet-based nga propaganda ug historical revisionism nga gigamit sa kampo ni Marcos bisan sa wala pa ang eleksyon, isip kabahin sa dayag nga kampanya niini alang sa politikanhong pagpahiuli sa gahom sa pamilya sa gipapahawa ug namatay na nga diktador. Adrian Pulgo

Ang Altermidya Network kabahin sa #FactsFirstPH nga naghiusa sa nagkalain-laing sektor nga nagpasalig sa pagpasiugda sa kamatuoran sa publikong luna, ug pagpangayo og tulubagon niadtong makadaot niini pinaagi sa pagpamakak. Alang sa mga interesado nga moapil sa inisyatiba, pag-email sa info@factsfirst.ph

Read more articles here

Leave a reply

This site uses Akismet to reduce spam. Learn how your comment data is processed.