FACT CHECK: Libreng pagkaon ug kalingawan ra ang giapas sa mga nisalmot sa EDSA People Power, matod ni Gadon

0
61

Niadtong Abril 16, gipaambit sa SMNI ang Youtube video nga giulohan og ‘Atty. Gadon: Yung People Power Revolution, Fake yan.’ Kini nga video kabahin sa pakighinabi sa tag-iya sa SMNI nga si Apollo Quiboloy ngadto sa senatorial aspirant ug suspendidong abogado nga si Lorenzo’ Larry ‘Gadon, diin gipahayag ni Gadon nga libre lang nga pagkaon ug kalingawan ang gigukod sa mga nagmartsa sa kadalanan niadtong 1986 EDSA People Power.

PAG-ANGKON

Libreng pagkaon ug kalingawan ra ang giapas sa mga nisalmot sa EDSA People Power, matod ni Gadon

EBALWASYON

DILI TINUOD

ANG KAMATUORAN

Ang dagan sa 1986 EDSA People Power labing dokumentado. Daghang mga saksi ug mga partisipante niining makasaysayanong pag-alsa ang makapamatuod kung pila ang nakigbahin sa pagkaon ug tubig sa mga nagtapok sa EDSA. Walay bisan usa sa mga beteranong partisipante sa EDSA People Power ang niingon nga miadto lang sila didto para sa pagkaon ug pagtan-aw sa mga performers.

NGANONG IMPORTANTE KINI

Bisan pa nga kanunay siyang sulod sa mga fact-check report, padayon gihapon ang pagpagawas ug sayop nga impormasyon ni Gadon kauban ang SMNI. Adunay 1.01 milyon nga subscribers ang SMNI sa YouTube ug sa pagkakaron, ang kini nga interbyu ni Gadon kay niabot na sa 104,799 views, 5,300 likes ug 795 ka komento. – Vanessa Adolfo ug Jamaica Marciano

Ang Altermidya Network kabahin sa #FactsFirstPH nga naghiusa sa nagkalain-laing sektor nga nagpasalig sa pagpasiugda sa kamatuoran sa publikong luna, ug pagpangayo og tulubagon niadtong makadaot niini pinaagi sa pagpamakak. Alang sa mga interesado nga moapil sa inisyatiba, pag-email sa info@factsfirst.ph

Read more articles here

Leave a reply

This site uses Akismet to reduce spam. Learn how your comment data is processed.